« L’éco camping » del Cun de Larzac, de qu’es aquò ?

Eco-Camping du Larzac ◊ Le Cun ◊ Route de Saint-Martin 12100 Millau ◊ Tel : 05 65 61 38 57 ◊ Courriel : accueil@ecocampingdularzac.org

Accueil > Infos pratiques > Qui sommes nous ? > « L’éco camping » del Cun de Larzac, de qu’es aquò ?

« L’éco camping » del Cun de Larzac, de qu’es aquò ?

Es un airal dins lo campèstre al nòrd-èste de Larzac, al mitan del Parc Natural Regional dels Grands Causses. Fa tanben partida del territòri classat al patrimòni mondial de l’UNESCO en 2011 al títol d’exemple excepcional de « paisatge cultural del agrò-pastoralisme mediterranenc. »

Lo Cun es un luòc arborat, convivial e repausant, unic dins son genre, que ecologicament responsable. Tot foguèt pensat per vòstre confòrt modèrn e calorós en i aligant las nòrmas las mai respectuosas de l’environament.
L’avem volgut de talha umana ont cadun aja un espaci d’intimitat important ( 50 emplaçaments de 80 m² ). I a dos emplaçaments en defens per las personas de la mobilitat reduchida. Vòstra suaudor serà assegurada que la circulacion motorisada es interdita dins lo campatge. Aquí perqué los « camping-caristes » i pòdon pas demorar. La biodiversitat excepcionala del planòl i es aquí parada.Cada emplaçament es a despart e particular que faiçonat pel brot natural de la vegetaçion ( boisses, pins roges, blacas…)e pas cap de malas potingas que sián utilisadas sus tot l’airal.
L’espandi sanitari foguèt encapat per s’integrar lo mai armoniosament possible dins l’espaci del campatge. Las aigas de bugada e de las dochas son rescaufadas gràcias als 36 m² de teulada provesits de panèls solaris. L’alimentacion en aiga dels comuns es realisada per una presa de las aigas de pluèja tot lo sanclame de l’an (150 m3 de reserva ). Totas las aigas dels sanitaris son puèi repartidas e utilisadas d’un biais estalviaire gràcias a d’installacions adaptadas. L’espurgament de las aigas lordas es realisat per un sistèma d’assaniment non colectiu, amb colador de sable e lièch de rausèls. De detectors de preséncia permeton l’alucatge e l’escantiment dels lums segon lo taus d’ocupacion dels luòcs.
Vos prepausam tanben albèrgaments ecò-concebuts e en coëréncia amb l’arquitectura locala e la natura del ròdol.
Butam a la tria e a la collècta selectiva del descai.Utilisan de productes de netejatge e de manteniment ecologics e biòdegradables, que podètz trapar dins la botiga a l’acuèlh.
Vos prepausam de produches de qualitat, del terrador e d’origin biò
(pichona especiariá e pichona restauracion ).
Nòstres principis , nòstras valors, nòstre posicionament :
Non violéncia, solidaritat internacionala e ecologista son los tres pilars fondamentals que an totjorn federats lo « monde del Cun ». Aimariam los vos faire partejar.
Desiram vos faire encontrar e escambiar amb los paisans, artistas e artesans que trabalhan e fan viure lo planàs .
Sem mai que mai ligats a l’educacion a l’environament. Nòstres amics aital coma los guidas e prestataires locals vos faràn descobrir lo pais, lo mestièr de paisan, l’arquitectura vernaculara ( lavanhas, jaças, caselas....) lo biais de viure del monde de Larzac.

Serètz esmaravilhats :
- per la geologia tan particulièira dels Causses (sòts, avencs, ròcs dolomitics...)
- per la sauvatgina : « mouflons » ,singlars,cabiròls, cèrvis, vibres,geneta e faína, aital coma nombroses aucèls dont voldrasses e arians, aclas, puput o bernat pescaire,
- per la flòra ( 40%de las menas botanicas francesas se trapan sus Larzac, siá 1% del territòri frances) remirabla del causse e dels vals a l’entorn.

Respectuoses del benestar dels òmes, dels èstres vius, de l’environament e dels biais de faire locals vos desiram un ecò-torisme responsable e solidari.
Amoroses de la natura de tota mena, amics caminaires, ciclistas de tota sòrta, espeleològs, escalaires, amators de passejadas a caval, familhas....
traparètz aicí « acò de nautres » vòstre autre « acò de vos ».

Se aquestas valors vos son comunas o se volètz las partejar amb nautres, siatz los plan venguts !


Mentions légales