Los albergaments en « dur ». (HLL sens sanitaris)

Eco-Camping du Larzac ◊ Le Cun ◊ Route de Saint-Martin du Larzac - 12100 Millau ◊ Tel: 05 65 61 38 57 ◊ Courriel: accueil@ecocampingdularzac.org

Accueil > Los albergaments > Los albergaments en « dur ». (HLL sens sanitaris)

Los albergaments en « dur ». (HLL sens sanitaris)

Inspirats de las dormidas que se servissián autres còps los pastres, vos prepausam dos tipes d’albergament en « dur » per dòs o quatre personas, en locacion a la nuèch o a la setmana. Son d’abitats originals que reverton l’arquitectura arcada de las jaças tant caracteristica del paisatge caussenard.
HLL de mens de 20 m², son especialament realisats per s’integrar pel melhor dins lo bòsc del campatge.
De mai son d’ecò-abitatsconcebuts amb de materials de construccion e d’isolacion naturals. L’arquitectura es de fusta tant coma l’acapçament del dedins.
Las materias premièiras utilisadas per la fabricacion d’aquelses albergaments venon d’espleitacions forestièiras dotadas d’una cadena de traçabilitat, ecologicas, socialament e economicament responsables.De mai, coma se tracta d’una ressorça renovelabla, que genera un feble consum energetic dins lo biais de fabricacion e assimila lo carbòni dins las construccions al lòc de lo liberar dins l’atmosfèra, es lo sol material de construccion amb un bilanç positiu d’energia e de climat.
Son dotats d’una isolacion termica bèla e de caracteristicas acosticas requistas.
Las construccions son realisadas amb mai d’una espècia dont:sap, « douglas », pin e mèlze.